കോമണ്വെല്ത്ത് ഗെയിംസിന് ഇനി ആകെയുള്ളത് 10 ദിവസം മാത്രം. വല്യ ഭൂതാന്മാരും കുഞ്ഞന് ഭൂതത്താന്മാരും കൂടി ഗെയിംസ് കൊണ്ട് പോകുമോ ?? ഇനി ആര് വിചാരിച്ചാലും ഇത്രയും വിവാദങ്ങളുമായി ഒരു ഗെയിംസ് നടത്താന് പറ്റുകയില്ല.. അല്ല നമ്മളെ തോല്പ്പിക്കാന് ആര്ക്കു പറ്റും ?? ഇത് ഇന്ത്യയ്ക്ക് മാത്രം അവകാശപ്പെട്ട ക്രെഡിറ്റ്.
ഇന്നലത്തെ ഭൂതം സ്റ്റേഡിയത്തെ ബന്ധിപ്പിക്കുന്ന മേല്പാലത്തിന്റെ രൂപത്തില് , അത് താനന്ന തന്ന.. തായ് എന്നും പറഞ്ഞു ദാ കിടക്കുന്നു . അത് പോരാഞ്ഞിട്ട് കോമണ്വെല്ത്ത് ഗെയിംസ് ഫെഡറേഷന് തലവന് മൈക്കല് ഫെന്നല് , ഗെയിംസ് വില്ലേജു താമസയോഗ്യമല്ലെന്നും വൃത്തിഹീനവും അത് തന്നെ ഞെട്ടിച്ചതായി എന്നും പറഞ്ഞു . ഹോ... ഇന്നലെ വരെ ഇന്ത്യയെ പുകഴ്ത്തിയിരുന്ന ഫെന്നല് ഇന്നലെ കാലു വാരി... ആരെങ്ങിലും വിചാരിച്ചോ ഇങ്ങനെ കാലു വാരുമെന്നു . ഇവിടെയാരുന്നെങ്ങില് പിണറായി പറഞ്ഞേനെ ഗെയിംസ് സിഡികേറ്റ് ആണ് ഇതിനു പുറകില് എന്ന് ... അത് അവിടെ നടക്കില്ലല്ലോ .. ഗെയിംസ് ഗ്രാമം വൃത്തികെട്ടതാണെന്ന് കോമണ്വെല്ത്ത് ഗെയിംസ് ഫെഡറേഷന് ചീഫ് എക്സിക്യൂട്ടീവ് ഓഫീസര് മൈക്ക് ഹൂപ്പറും വിമര്ശിച്ചു.ന്യൂസീലന്ഡ്, കാനഡ, സ്കോട്ട്ലന്ഡ്, അയര്ലന്ഡ് എന്നിവരാണ് പ്രശ്നം ഉണ്ടാക്കിയത് . നമ്മുടെ വൃത്തി അവര്ക്കറിയില്ലല്ലോ ... നമുക്ക് ഇത് തന്നെ ഫൈവ് സ്റ്റാര് ഫ്ലാറ്റ്സ് ആണ് . അങ്ങനെ തന്നെയാണ് ഗെയിംസ് സംഘാടക സമിതിയും പറഞ്ഞത് . ഇത് വളരെ നിസ്സാരം.. പൊടി മാത്രമല്ലേയുള്ളൂ.. പിന്നെ പട്ടികള് , അതൊക്കെ നമുക്കെ ശെരിയാക്കാം.. ഇനി എന്ന് ?? രണ്ടു ദിവസം കൊണ്ട് എല്ലാം "ഓക്കേ" എന്നാ പറഞ്ഞിരിക്കുന്നത് . ഏതായാലും പ്രധാനമന്ത്രിയുടെ ഓഫീസ് ഇടപെട്ടാണ് ഇപ്പോള് കാര്യങ്ങള് നടത്തിക്കുന്നത്.
അവിടെ മഴയെന്നും അതിനാലാണ് നിര്മാണ പ്രവര്ത്തനങ്ങള് വയ്കുന്നതെന്നും ആരെല്ലാമോ പറഞ്ഞു. അതീയ് ; ഏഴു വര്ഷം എന്തോ എടുക്കുവായിരുന്നു .. എത്ര വെട്ടിയ്ക്കാം എന്ന് റിസര്ച്ച് നടത്തുവായിരുന്നോ?? ....അത് തന്നെയാ നടന്നത് എന്ന് വെക്തമാക്കുന്നതായിരുന്നു കഴിഞ്ഞ മാസങ്ങളില് പുറത്തു വന്ന അഴിമതി കഥകള്. ഏതായാലും ഇപ്പോള് പ്രധാനമന്ത്രിയുടെ ഓഫീസ് ആണ് കാര്യങ്ങള് ഒക്കെ നോക്കി നടത്തുന്നത് . പറഞ്ഞു പഴകിയ അഴിമതി കഥകള് വീണ്ടും വീണ്ടും പറയുന്നില്ല.. ഏതായാലും ഗെയിംസ് കഴിയട്ടെ ; എന്നിട്ടാവാം തല കൊയ്യല്. നടക്കും എന്ന് തീര്ച്ച ഒന്നും ഇല്ല... എന്നാലും ആഗ്രഹിച്ചു കൂടേ..ഓരോ ശരാശരി ഇന്ത്യക്കാരനേയും പോലെ.
ഗെയിംസ് തീം സോങ്ങ് പോലും,വിവാദത്തില് നിന്നും അകന്നു നിന്നില്ല. വിവാദത്തിനു മേലെ പരുന്തും പറക്കില്ല മക്കളെ . അഞ്ചു കോടി പിന്നെ ഏതാനും ലക്ഷവും ; പിന്നെയൊരു ആര് മാസവും. എന്താ എന്നല്ലേ ?? .... തീം സോങ്ങ് ഉണ്ടാക്കാന് എടുത്ത അഭ്യാസമാണ് പറയുന്നത് . എനിക്കു കേട്ടപ്പോള് വലയം പ്രശ്നം ഒന്നും തോന്നിയില്ല. പക്ഷേ പ്രശ്നം ഉണ്ടെന്നു വല്ല്യ പുള്ളികള് കണ്ടു പിടിച്ചു. "വാക്ക വാക്ക " യുടെ ഹാങ്ങ് ഓവറില് നിന്നും ആരും ഇത് വരെ ഇറങ്ങിയില്ല .പഞ്ച് പോരാ, അതാണ് പ്രശ്നം. അവസാനം പ്രശ്താവന എത്തി . പാട്ടില് മാറ്റം വരുത്തും . റഹ്മാനും സമ്മതിച്ചുവത്രേ . കണ്ടിരുന്നു കാണാം.
സുരക്ഷാ പ്രശ്നമാണ് മുഖ്യമായും നേരിടുന്ന മറ്റൊരു സംഗതി. കഴിഞ ദിവസത്തെ വെടി വെയ്പ്പ് കുറച്ചൊന്നും അല്ല ആശങ്ക പരത്തുന്നത്. അടുത്ത് കണ്ട കാറില് നാടന് സ്ഫോടക വസ്തുക്കള് ഉണ്ടെന്നും ശ്രുതി പറന്നു. അത് പോലീസ് നിഷേധിച്ചു . പല രാജ്യങ്ങളും പിന്മാറാന് ആലോചിക്കുന്നു, താരങ്ങള് പിന്മാറ്റം പ്രഖ്യാപിക്കുന്നു, അങ്ങനേ പലതും, ഇനിയും ഉണ്ട് പത്തു ദിവസം. എന്തും സംഭവിക്കാം. ; പല രാജ്യയങ്ങളും pinmaariyekkam , താരങ്ങള് വന്നില്ലെന്ന് വരാം.. എന്തായാലും ഗെയിംസ് നടക്കും ..നടന്നെ പറ്റു . .. അതിനിടയില് ഒരായിരം പ്രശ്നങ്ങള്. .... എന്തായാലും ഇനിയൊരു കായിക മാമാങ്കം ഇന്ത്യക്ക് എന്ന് പറയുമ്പോള് മറ്റുള്ള രാജ്യക്കാര് ഒന്ന് ആലോചിക്കും .... നമ്മള് ചൈന ഒന്നും അല്ലല്ലോ ... അത്ര ഭംഗിയായി ഗെയിംസ് നടത്താന്...അല്ലെങ്ങില് തന്നെ ഇത് ഒളിമ്പിക്സ് ഉം അല്ലല്ലോ ... അല്ലേ.... നമുക്ക് ആശ്വസിക്കാം..... എങ്ങനെയെങ്ങിലും ഇതൊന്നു കഴിഞു കിട്ടിയാല് മതിയായിരുന്നു.... ഡല്ഹി സര്ക്കാരിനെ പോലെ.... കേന്ദ്ര സര്ക്കാരിനെ പോലെ ..ഞാനും നമുക്കും പ്രാര്ദ്ധിക്കം ..അല്ലാതെ പിന്നെന്തു ചെയ്യാന് കഴിയും...
ഇനി ഗെയിംസ് നടക്കുമ്പോള് അറിയാം എവിടെയൊക്കെ എന്തൊക്കെ പ്രശ്നം ഉണ്ടെന്നു . ആരെല്ലമാണോ കഴുത്തിന് കത്തി വെയ്ക്കാന് പോകുന്നത്?? എന്തായാലും ഉള്ള മാനവും കൂടി പോയി കിട്ടും ഗെയിംസ് കഴിയുമ്പോള്. മാനമല്ലേ പോയുള്ളൂ ... അത് എനിക്കു പണ്ടേ ഇല്ല എന്ന് പറയുന്നവരോടെ എന്ത് പറയാന്...
ഇനി പത്തു ദിവസം ..... ഇനി എന്തെല്ലാം കേള്ക്കേണ്ടി വരുമോ എന്തോ ... കാതോര്ക്കാം ... ചരിത്രം തിരുത്തി കുറിക്കാന് ഇന്ത്യ കച്ച മുറുക്കി ഇറങ്ങുന്നു...പത്തു ദിവസം..കാത്തിരിക്കുക... എന്തൊക്കെ ആണ് ഇനിയും ആവനാഴിയില് കാത്തു വെയ്ച്ച്ചിക്കുന്നതെന്ന് അറിയാന്.....
(അവസാനിക്കുന്നില്ല.... ഞാന് ഇവിടെ തന്നെയുണ്ട് പ്രഭോ ...)
2010, സെപ്റ്റംബർ 22, ബുധനാഴ്ച
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ