ഇളനീരിന്റെ പുതുവത്സരാശംസകള്‍
2010, ഡിസംബർ 31, വെള്ളിയാഴ്‌ച
2010, ഡിസംബർ 28, ചൊവ്വാഴ്ച
അവസാനം ഹാന്‍ ഹാന്‍ കീഴടങ്ങി
ചൈനീസ് ഭാഷയിലുള്ള ഹാന്‍ ഹാന്‍ന്റെ ബ്ലോഗ് ജനപ്രിയമാണ് . നിറയെ സര്‍ക്കാരിനുള്ള ഹാസ്യ വിമര്‍ശനങ്ങള്‍ ആണ് . എന്നാലും ജന രോക്ഷം ഭയന്ന് ഇത് വരെ സര്‍ക്കാര്‍ കടുത്ത നടപടികള്‍ക്ക് മുതിര്‍ന്നിരുന്നില്ല . എന്നാല്‍ കഴിഞ്ഞ മാസം പുറത്തിറങ്ങിയ "പാര്‍ട്ടി" മാഗസിന്‍ അത്രയ്ക്ക് അങ്ങ് ജനപ്രിയമാവുന്നതിനു മുമ്പ് തന്നെ സര്‍ക്കാര്‍ അതിനെ കൂട്ടിലടച്ചു . അങ്ങനെ ഇറങ്ങി ഒരു പ്രതി കൊണ്ട് തന്നെ മാഗസിന്‍ അകാല ചരമമടഞ്ഞു . അടുത്ത പ്രതിയുടെ ജോലികള്‍ പുരോഗമിക്കവെയാണ് സര്‍ക്കാര്‍ നടപടി . അതാണ് ചൈനീസ് ഭരണകൂടം. വിമര്‍ശനങ്ങള്‍ വീറോടെ പിഴുതെറിയും . എന്നിട്ടും ഹാന്‍ ഹാന്‍ അവിടെ പിടിച്ചു നില്‍ക്കുന്നു .അത് തന്നെയാണ് ഹാന്‍ ഹാന്‍ നെ വ്യത്യസ്തനാക്കുന്നതും ജനപ്രിയനാക്കുന്നതും.
ഹാന്‍ ഹാന്‍ ഇതിനെ കുറിച്ച് ഇത്രമാത്രമേ ബ്ലോഗില്‍ പ്രതികരിച്ചിട്ടുല്ല് . പ്രസാധകര്‍ പിന്മാറുന്നതിനാല്‍ മാഗസിന്‍ നിര്ത്തുന്നു . ബാക്കിയെല്ലാം നിങ്ങള്‍ ഊഹിച്ചെടുത്തു പൂരിപ്പിക്കണം ... ചൈനക്കാര്‍ക്ക് അതിനു വല്യ പ്രയാസം ഉണ്ടാവില്ല.
2010, ഡിസംബർ 24, വെള്ളിയാഴ്‌ച
ഇളനീരിന്റെ ഹൃദയം നിറഞ്ഞ ക്രിസ്ത്മസ് ആശംസകള്‍
സന്തോഷത്തിന്റെയും സമാധാനത്തിന്റെയും പ്രതീകമായ യേശുവിന്റെ ഓര്‍മയ്ക്ക്....
സഹനത്തിന്റെയും ത്യാഗത്തിന്റെയും പ്രതീകമായ യേശുവിന്റെ ഓര്‍മയ്ക്ക്....
വീണ്ടുമൊരു ക്രിസ്ത്മസ് വരവായ് ...... ലോകമെങ്ങും സമാധാനത്തിന്റെ ദൂതുമായി ....
വീണ്ടുമൊരു പുതു വര്‍ഷത്തെ വരവേല്‍ക്കാന്‍ നമ്മള്‍ ഒരുങ്ങുകയായി ......
ഈ ബ്ലോഗിന്റെ എല്ല വായനക്കാര്‍ക്കും എന്റെ സ്നേഹം നിറഞ്ഞ ക്രിസ്ത്മസ് ആശംസകള്‍ ....
2010, ഡിസംബർ 22, ബുധനാഴ്‌ച
കേരളത്തിലെ ആദ്യ മദ്യ സഭ
ഇത് ഒരു അഞ്ചു വര്ഷം കഴിഞ്ഞുള്ള അഞ്ചു ആര് ക്ലാസ്സുകളിലെ പരീക്ഷയില്‍ ചോദിക്കാവുന്ന ചോദ്യമാണ് . ആരും കുറ്റം പറയില്ല . പിള്ളേര്‍ ഉത്തരം എഴുതുകയും ചെയ്യും . പിള്ളേര്‍ക്കും രക്ഷകര്താക്കള്‍ക്കും അദ്ധ്യാപര്‍ക്കും ചോദ്യകര്ത്താവിനും ചാരിതാര്‍ത്ഥ്യം . ഇതില്‍ കൂടുതല്‍ എന്ത് വേണം. ഒരു ഉപ ചോദ്യം കൂടി ചോദിയ്ക്കാന്‍ സാദ്ധ്യതയുണ്ട്.
കേരളത്തിലെ ആദ്യ മദ്യ സഭയുടെ അധ്യക്ഷ ആര് ??
പിള്ളേര്‍ക്ക് വേണമെങ്ങില്‍ ക്ലൂ കൊടുക്കാവുന്നതാണ്
(ക്ലൂകള്‍ : ഒരു ടീച്ചര്‍ ആണ് , ഒരു മന്ത്രിയാണ് , ഇംഗ്ലീഷില്‍ പലതവണ പ്രസംഗിച്ചു കയ്യടി വാങ്ങിയിട്ടുള്ളതാണ് , ആരോഗ്യവതിയായിരുനു (അപ്പോള്‍ ആരോഗ്യവതിയാണ് എന്നുറപ്പില്ല; പത്തു വര്ഷം എടുക്കുമേ ഇത് ... )
എന്തായാലും കഴിഞ്ഞ ആഴ്ചയിലെ തട്ട് പൊളപ്പന്‍ ടയലോഗുകളില്‍ ഒന്നായിട്ടു ഇതിനെ വിലയിരുത്തുന്നു . പിന്നെ നിഷേധം ആയി ... വാക്ക് മാറ്റി പറയല്‍ ആയി ... ഏതായാലും ചാനലുകാര്‍ക്ക് രണ്ടു ദിവസത്തേക്ക് കഞ്ഞി കുടിക്കാനുള്ളതായി .... ഈ ഉപകാരം മറന്നാലും ഞാന്‍............... !!
ഇനി ഒരല്‍പം മദ്യപിച്ചാല്‍ കുറ്റം പറയാനൊക്കുമോ ?? വര്‍ഷാ വര്ഷം കോടികളല്ലേ മദ്യം കൊണ്ട് കിട്ടുന്നത് . എന്നിട്ടും അതിനു പഴി ?? സര്‍ക്കാരിനെ നാല് കാലില്‍ താങ്ങി നിര്‍ത്തുന്നത് തന്നെ മദ്യമാണ് . പിന്നെന്താ ഇവിടത്തെ പ്രശ്നം ..... കേരളം നാല് കാലില്‍ ആണെന്ന് ഉള്ളത് രഹസ്യമായ പരസ്യമാണ് ... ഇതില്‍ നമ്മളെ തോല്‍പ്പിക്കാന്‍ ആര്‍ക്കും അടുത്ത കാലത്തൊന്നും പറ്റുകയില്ല... ഓരോ വര്‍ഷവും ഓരോ സീസണും കഴിയുമ്പോള്‍ നമ്മള്‍ നമ്മുടെ തന്നെ റെക്കോര്‍ഡ്‌ തിരുത്തി മുന്നേറുകയാണല്ലോ ... ആരുണ്ട് നമ്മളെ തോല്‍പ്പിക്കാന്‍ ?? നമ്മുടെ നേതാക്കന്മാര്‍ മാര്‍ഗദര്‍ശികളാകുന്നത് കൊണ്ട് എന്താ കുഴപ്പം ?? ഇനി അസൂയ കൊണ്ടാവുമോ ?? തന്നെ കൊണ്ടാവുന്നില്ലല്ലോ ...... ഇതൊന്നും അങ്ങനെ വിട്ടുകളയാനുല്ലതല്ല.... ഇനി ചിലപ്പോള്‍... ഒരു പബ്ലിസിറ്റി ആയിരിക്കുമോ ഉദ്ദേശം ??
നേതാക്കന്മാര്‍ ജനങ്ങള്‍‍ക്ക് മാതൃകയാവട്ടെ എന്നാണ് ഉദ്ദേശിച്ചത് എന്ന് ഉറപ്പു പറയാന്‍ പറ്റില്ല . .. മദ്യ മാഫിയില്‍ നിന്നും കോടികള്‍ വാങ്ങിയ ആരോഗ്യമതി രാജിവെയ്ക്കുക ?? ഇതാണ് ചിലര്‍ ഉദ്ദേശിച്ചത് .. അതും പാളി .... ചാനലുകാര്‍ അത് ഉദ്ദേശ ശുദ്ധിയെ ചോദ്യം ചെയ്തു മറുപുറം ഏറ്റു പിടിച്ചു..... നടക്കാന്‍ പാടില്ലാത്തത് ... ഏതായാലും നടന്നു ..... പോട്ടെ ... പോട്ടെ ....
അവസാനം അനുബന്ധ ഡൈലോഗ് : മദ്യ സഭയിലെ അംഗങ്ങള്‍ അവര്‍ മദ്യം ഉപയോഗിച്ചിട്ടില്ല എന്ന് പറയുകയാണെങ്കില്‍ അതാണ് ശെരി . അതും പറഞ്ഞു തടി ഊരി.....
എനിക്കൊരു സംശയം .... അപ്പോള്‍ പിന്നെ മൂക്കില്‍ അടിച്ച മദ്യ ഗന്ധം ആരുടെ ?? ഇനി വല്ല ചാത്തന്‍ സേവയുമാവുമോ നമ്മുടെ മദ്യ സഭയില്‍ ?? അടുത്ത വര്‍ഷത്തെ റെക്കോര്‍ഡ്‌ തകര്‍ക്കാന്‍ .....
2010, ഡിസംബർ 17, വെള്ളിയാഴ്‌ച
ഒരു മാസത്തിനു ശേഷം ...........
അങ്ങനെ ഒരു മാസം ആവുന്നു ഞാന്‍ ബ്ലോഗ് എഴുതിയിട്ട് .
കാരണങ്ങള്‍ തേടി അലയണ്ട ....
......
.......
.........
ആരും എന്നെ തട്ടിക്കൊണ്ടു പോയതല്ല ...
ഞാന്‍ ആരെയും തട്ടികൊണ്ടു പോയതല്ല ...
ഈ നാട്ടില്‍ വിഷയ ദാരിദ്ര്യം വന്നു ഭവിച്ചതല്ല...
ലോക്കപ്പിനകത്തായതല്ല ......
വല്ല ലോ ക്ലാസ്സ്‌ രോഗവും വന്നു കിടപ്പായതല്ല ....
സമയമില്ലാഞ്ഞിട്ടല്ല ....
വയാനക്കാരില്ലാഞ്ഞിട്ടല്ല .....
മനസ്സില്ലാഞ്ഞിട്ടല്ല .... (ഇല്ലയിരുന്ന്നു എന്നെനിക്കറിയാം .. ) .....
ഇനിയും കാരണങ്ങള്‍ നിരത്തുന്നില്ല..... ഇനിയും കുറെയുണ്ട് ..... ചുമ്മാതെന്തിനാ നിന്റെയൊക്കെ തള്ളയ്ക്കു വിളിയും പിരാക്കും വാങ്ങി വെയ്ക്കുന്നത് ..... ....
ഇനി കാരണം പറയാം ....
ആരെങ്കിലും പഴയ ബ്ലോഗുകള്‍ വായിക്കുമോ എന്നറിയണമല്ലോ .. അറിഞ്ഞു .... ട്രാഫിക്‌ അങ്ങനെ ഒഴുകി..ഒഴുകി ... അപ്പോള്‍ ആരെങ്കിലുമൊക്കെ ഈ ബ്ലോഗ്‌വായിക്കുന്നുണ്ട് . സന്തോഷം ...... പരമ സന്തോഷം ........... ഇനിയും ഇങ്ങനെ ഇരുന്നാല്‍ ആ ഒഴുക്ക് നിക്കും ....
ഞാനില്ലെങ്കിലും ബ്ലോഗ് ലോകം എങ്ങനെ പോകുന്നു എന്ന് പുറത്തു നിന്നും ഞാന്‍ വീക്ഷിച്ചപ്പോള്‍.. എനിക്കു തോന്നിയ വിഷയം എന്താണെന്ന് വെയ്ച്ചാല്‍ ...
വേണ്ട .... എനിക്കു തോന്നിയത് ഞാന്‍ തന്നെ അറിഞ്ഞാല്‍ മതി ......
ഹോ .... ഒരു മാസം .... നാല് ആഴ്ച ... മുപ്പതു ദിവസം ..... എന്തൊക്കെ സംഭവിച്ചു ..... എല്ലാം കൂടി എഴുതണമല്ലോ ....
കുറെ ഉണ്ട് എഴുതാന്‍ .... എല്ലാത്തിനും പ്രതികരിക്കാന്‍ ഞാനാരാ .. കാട്ടു മാക്കാനോ ?? ഇനിയുള്ളത് വല്ലതുമുണ്ടെങ്കില്‍ എഴുതും ..... എനിക്കു തോന്നണം ..... (വായിക്കാന്‍ നിങ്ങള്‍ക്കും തോന്നണം ...... )
2010, നവംബർ 19, വെള്ളിയാഴ്‌ച
സ്വാതന്ത്ര്യത്തിന്റെ പുതു വസന്തം
മനുഷ്യാവകാശങ്ങള്‍ സംരക്ഷിക്കാനും പട്ടാളനിയന്ത്രണത്തില്‍ കഴിയുന്ന മാതൃരാജ്യത്ത് നിയമവാഴ്ച കൊണ്ടുവരാനുമുള്ള പോരാട്ടം തുടരുമെന്ന് മ്യാന്‍മറിലെ ജനാധിപത്യ പോരാളി ആങ് സാന്‍ സ്യൂചി തന്റെ ആദ്യ പ്രസംഗത്തില്‍ പറഞ്ഞു .
''ഞാന്‍ മനുഷ്യാവകാശങ്ങളില്‍ വിശ്വസിക്കുന്നു. ഞാന്‍ നിയമവാഴ്ചയില്‍ വിശ്വസിക്കുന്നു. ഇവയ്ക്കായി ഞാന്‍ എല്ലായ്‌പ്പോഴും പോരാടും. എല്ലാ ജനാധിപത്യശക്തികളോടും ചേര്‍ന്ന് പ്രവര്‍ത്തിക്കാന്‍ ഞാന്‍ ആഗ്രഹിക്കുന്നു. എനിക്ക് ജനങ്ങളുടെ പിന്തുണ ആവശ്യമാണ്'' -അവര്‍ കൂട്ടിച്ചേര്‍ത്തു . എന്നാല്‍ ജനറല്‍ താന്‍ ഷ്വെയ്ക്കുള്ളയുമായി താന്‍ ഒരു പോരട്ടത്തിനില്ല എന്നുള്ള സന്ദേശമാണ് അവര്‍ തന്റെ ആദ്യ പ്രസംഗത്തില്‍ കൂടി പുറത്തു വിട്ടത് . അവരുടെ ഓരോ വക്കും വളരെ സൂക്ഷിച്ചുള്ളതായിരുന്നു. പട്ടാളവുമായി ഒരു തുറന്ന ചര്‍ച്ചക്കാണ് താന്‍ തയ്യാറെടുക്കുന്നെതെന്നും അവര്‍ പറഞ്ഞു .
2010, നവംബർ 10, ബുധനാഴ്‌ച
എന്തുണ്ടാക്കി ഒബാമയുടെ വരവ് ??
അമ്പത്തിനാലായിരം ജോലികള്‍ . പുതിയ ബാന്ധവങ്ങള്‍ . പുതിയ വാതിലുകള്‍ . ജന്നലുകള്‍ പിന്നാലെ ?? പിന്നെ ഉയര്‍ച്ചയുടെ വാതിലുകള്‍ ഇനിയും തുറന്നു തരാന്‍ ഒരു സ്മൈലും. ഇനിയും വേണ്ടിവരുമല്ലോ കൊണ്ടുപോവാന്‍ . അപ്പോള്‍ പിന്നെ വാതിലുകള്‍ എന്തിനു അടയ്ക്കണം , തുറന്നു തന്നെ കിടക്കട്ടെ . ഇതൊക്കെ ഇവിടെ ഇന്ത്യയില്‍ ഉണ്ടായി , ഉണ്ടാവും എന്നോന്നുമല്ല പറഞ്ഞു വന്നത് . ഇവിടെ എല്ലാം ഒരു കച്ചവടമായി കണ്ടു കൊണ്ട് ഇവിടെ ഇറങ്ങിയ അമേരിക്കന്‍ മുതല ... പിന്നെ ഇവിടന്നു ഒള്ളത് അടിച്ചെടുത്തു കൊണ്ട് പറന്ന അമേരിക്കന്‍ മുതലാളി തലൈവരെ പറ്റിയാണ് പറഞ്ഞത് . ജോലികള്‍ ഉണ്ടാവാന്‍ പോകുന്നത് അമേരിക്കയില്‍ . ബിസിനെസ്സ് ഉണ്ടാക്കാന്‍ പോവുന്നത് അമേരിക്കയില്‍ . ഡോളര്‍ ഒഴുകാന്‍ പോവുന്നത് അമേരിക്കയില്‍ . വന്നത് കച്ചവട മുതലാളിമാര്‍ . കണ്ടത് മുതലാളിമാരെ . ഇതില്‍ സാധാരണക്കാരന് എന്ത് നേട്ടം . അവനു എന്ത് കാര്യം . പൊന്നൊരുക്കുന്നിടത് പൂച്ചെക്കെന്തു കാര്യം .
ഇന്ത്യ ഒരു ചുക്കും ഉണ്ടാക്കിയില്ല അഥവാ ഉണ്ടായില്ല . പിറകെ നടന്നു അത് ഇതാണ് .ഇത് ലതാണ് എന്നൊക്കെ കാണിച്ചും പറഞ്ഞും കൊടുത്തു . കുറെ ഉറപ്പുകള്‍ മാത്രം അതെപ്പോള്‍ വേണമെങ്കിലും പിന്‍വലിക്കാമല്ലോ ?? എഴുതിയൊന്നും കൊടുത്തിട്ടില്ലല്ലോ ??
സാമ്പത്തിക മാന്ദ്യത്തില്‍ നിന്നും കരകയറാന്‍ വെമ്പുന്ന അമേരിക്കയെ ഒന്നും കൂടി കായ്‌പിടിച്ചു കയറ്റാന്‍ ശ്രമിച്ചു കൊണ്ട് അമ്പത്തിനാലായിരം ജോലികള്‍ അവിടെ ഉണ്ടാക്കാന്‍ ഒബാമയ്ക്ക് കഴിഞ്ഞു . കഴിഞ്ഞ തിരഞ്ഞെടുപ്പില്‍ തിരിച്ചടി കിട്ടിയ ഒബാമയ്ക്ക് ഇത് ഒരു കച്ചിതുരുമ്പാവും . പിന്നെ ചാടിയും പാടിയും ദീപാവലിയും ആഘോഷിച്ചു, പിള്ളേരെ കണ്ടു ചോദ്യങ്ങള്‍ക്കുള്ള ഉത്തരം പറഞ്ഞും ഭാര്യ സമേതം ഒബാമ ഇന്ത്യയില്‍ നിറഞ്ഞു നിന്ന് . ഗാന്ധിജിയെ പൊക്കി പൊക്കി പൊക്കി അങ്ങ് ആകാശത്തോളം മുട്ടിച്ചും ഇന്ത്യക്കാര്‍ക്കിടയില്‍ ഒബാമ മതിപ്പുണ്ടാക്കി . അവസാനം വല്യ ഉറപ്പൊന്നും കൊടുക്കാതെ പുള്ളിക്കാരന് വന്ന പോലെ പോയി.
900 കോടി രൂപ ആയിരുന്നത്രെ ഒബാമയുടെ ഒരു ദിവസത്തെ ഇന്ത്യയിലെ ചെലവ് . 3000 പേരുടെ പട തന്നെയുണ്ടായിരുന്നു ഒബാമയുടെ കൂടെ . അതും പോരാഞ്ഞു മുംബൈ ഒരു ദിവസം മുഴുവനും സ്തംഭിച്ചു നിന്നു . പുള്ളിക്കാരന് ഡല്‍ഹിയിലേക്കു വിമാനം കയറിയതിനു ശേഷം ആണെത്രെ വീട്ടുകാര്‍ പോലും കതകു തുറന്നത് . അക്ഷരാര്‍ത്ഥത്തില്‍ മുംബയെ പൂട്ടിയിട്ടിരിക്കുവായിരുന്നു . ദല്‍ഹിയിലും സമാനമായ അവസ്ഥയായിരുന്നു . എന്താ ഇത് .... വെള്ളരിക്ക പട്ടണമോ ?? ചിലവുകള്‍ അമേരിക്ക വഹിക്കുന്നു എന്നാണ് വെപ്പ് . അതിന്റെ വിശദാംശങ്ങള്‍ എനിക്കു അറിഞ്ഞു കൂടാ . അതിന്റെ അകമ്പടിക്കായി 34 യുദ്ധ കപ്പലുകള്‍ മുംബൈ തീരത്ത് നങ്കൂരം ഇടുമെന്ന് ഒരു ശ്രുതി ഉണ്ടായിരുന്നു . അത് ഇവിടത്തെ ബഡായി ആയിരുന്നു പിന്നീടു മനസിലായി . എന്നാലും നാല് തലത്തിലാണ് സുരക്ഷ ഒരുക്കിയത് .
എന്തായാലും ഗാന്ധിജിയേയും ഇന്ത്യയേയും പൊക്കി പൊക്കി അമേരിക്കയില്‍ ഒരു അര ലക്ഷം ജോലികള്‍ പുള്ളിക്കാരന് ഉണ്ടാക്കിയെടുത് . പിന്നെന്തു 900 കോടി ചിലവും 3000 അംഗ പടയും വന്നാല്‍.
ഇതില്‍ നിന്നും ഇന്ത്യക്ക് എന്ത് നേട്ടം ?? ഒരു ചുക്കുമില്ല . ഒരു കോപ്പും കിട്ടിയില്ല . അത്രെ തന്നെ .
(പണ്ടൊക്കെ അവിടന്ന് ആരെങ്കിലും വന്നാല്‍ കയ്യും കെട്ടി ഓച്ചാനിച്ച് നിക്കും വല്ലതും കിട്ടാന്‍ വേണ്ടി ... ഇപ്പോള്‍ അത് മാറി ... ഇവിടന്നു വല്ലതും അടിച്ചോണ്ട് പോവാമോ എന്നാണ് അവിടത്ത് കാരുടെ ചിന്ത ... ഇങ്ങനൊക്കെയായിരുന്നു പണ്ട് പോര്‍ച്ചുഗീസുകാരും ബ്രിട്ടീഷുകാരും ഇന്ത്യയില്‍ വന്നത് ... ഹാ . ഹാ ...ഹാ .... പിന്നെ നമ്മുടെ കോണാന്‍ സഹിതം അടിച്ചെടുത്തു അവര്‍ ഇപ്പോള്‍ മ്യുസിയം ഉണ്ടാക്കി അവിടെ വെച്ചിരിക്കുന്നു ... അത് പോലാവുമോ ?? )
യു എന്‍ രക്ഷാസമിതിയില്‍ സപ്പോര്‍ട്ട് വാഗ്ദാനം ചെയ്തു പോയി . പക്ഷെ അതിനു ഇനിയും കടമ്പകള്‍ ഏറെയുണ്ട് . അത് കൊണ്ട് അത്ര പെട്ടന്ന് അത് കിട്ടില്ല . പിന്നെ അവിടന്ന് ജോലികള്‍ അടിച്ചു എടുക്കുന്നു എന്നുള്ള പരാതികള്‍ . അതിനു വല്യ മാറ്റം ഒന്നും വന്നില്ല . ഇപ്പോഴും അതൊക്കെ തന്നെ ആവര്‍ത്തിക്കുന്നു . ഇന്ത്യയിലോട്ടു ജോലികള്‍ ഇനിയും വിടില്ല എന്നുള്ള നയത്തിനൊന്നും മാറ്റം വന്നില്ല. ഇവിടന്നു അങ്ങോട്ട്‌ പോകുന്നവര്‍ക്ക് വിസ കാശ് കുറയ്ക്കാമെന്നും ഉറപ്പൊന്നും കിട്ടിയില്ല. പിന്നെ എന്ത് കുന്തം കിട്ടി . ഒബാമ വല്യ വായില്‍ പറയുന്നത് കേട്ട് . ഇന്ത്യയുടെ മൊത്തം അഭിവൃദ്ധി ആണ് ലക്‌ഷ്യം എന്ന് . പക്ഷെ അമേരിക്കയുടെ ഉയര്‍ച്ചയാണ്‌ മനസ്സില്‍ വിചാരിച്ചത് . അവിടന്ന് വല്ലതും ഇവിടെ വാങ്ങിയെങ്കില്‍ അല്ലേ അവിടത്ത്കാര്‍ക്ക് വല്ലതും ഉണ്ടാവു?? ഇനി പാകിസ്താന്‍, കാശ്മീര്‍ ; ഇത് രണ്ടും ഒബാമ ഇന്ത്യയില്‍ വളരെ ശ്രദ്ധിച്ചു ഉപയോഗിച്ച് . വന്ന പാടെ മുംബയില്‍ ആ വാക്ക് പുള്ളിക്കാരന് അങ്ങ് വിഴുങ്ങി അല്ലെങ്കില്‍ മറന്നു പോയി . പിന്നെ പിള്ളേരെ കണ്ടപ്പോള്‍ ; അതില്‍ ഒരു മിടുക്കി ഒബാമയെ സ്റ്റമ്പ് ചെയ്തു ; എന്ത് കൊണ്ടാ ചേട്ടാ ഈ അമേരിക്ക പാകിസ്ഥാനെ തീവ്രവാദ രാജ്യം ആയി അന്ഗീകരിക്കാത്തത് ?? പുള്ളിക്കാരന് വളരെ ബുദ്ധിമുട്ടി തട്ടിയും മുട്ടിയും , എന്നാല്‍ എങ്ങും തൊടാത്ത ഒരു ഉത്തരം കൊടുത്തു . അത് ഇവിടത്തെ പത്രക്കാരും പിന്നെ രാഷ്ട്രീയക്കാരും എന്തോ കിട്ടിയ മാതിരി പൊക്കി പിടിച്ചു . ഒള്ളത് കൊണ്ട് ഓണം പോലെ .
ഉയര്‍ച്ചയുടെ വാതിലുകള്‍ മലര്‍ക്കെ തുറന്നു അമേരിക്കയിലേക്ക്‌ പറന്നു ഒബാമ . വായില്‍ നോക്കി നമ്മള്‍ താഴെ നിന്നു കൈകള്‍ നീട്ടി വീശി . ഇനിയും തുറക്കണം കൂടുതല്‍ കൂടുതല്‍ തുറക്കണം . ഇനിയും അമേരിക്കന്‍ രാഷ്ട്രപതിമാര്‍ ഇന്ത്യയില്‍ വരണം . പറ്റുമെങ്കില്‍ ഒബാമ തന്നെ ഇനിയും വരണം, നാല് വര്ഷം ഇനിയും ഉണ്ടല്ലോ ?? . ഇനിയും ഇവിടെ പലതും ഉണ്ട് . ഇപ്പോള്‍ നമ്മുടെ കയ്യില്‍ കാശ് ഉണ്ട് . അത് എങ്ങനേയും അങ്ങ് വരുത്തണം ... അവിടെ ഇനിയും ജോലികള്‍ ആവശ്യം ഉണ്ട് . വരണം വരണം ...സ്വാഗതം ..നമ്മള്‍ വാതിലുകള്‍ മലര്‍ക്കെ തുറന്നു തന്നെ ഇട്ടിരിക്കുന്നു .....
2010, നവംബർ 4, വ്യാഴാഴ്‌ച
2010, നവംബർ 3, ബുധനാഴ്‌ച
നമുക്ക് മാത്രമല്ല ലവനും കിട്ടി അടി ..... ഒബാമ പുണ്ണിയാളാ സമാധാനമായി !!!!
അടി നമുക്ക് മാത്രമല്ല ലവനും കിട്ടി .... ലവനെ ലവന്‍ ....
ഏത് ലവന്‍ ... ??
ഹാ. നമ്മുടെ ഒബാമ ...
അതെങ്ങനെ ??
അങ്ങേരും തോറ്റു തൊപ്പിയിട്ടില്ലേ ??
തോറ്റോ ?? അപ്പോള്‍ അങ്ങേര്‍ ഇറങ്ങി പോയോ?? അപ്പോള്‍ ആരാ പുതിയ പ്രസിഡണ്ട്‌ ??
ഹാ... ഇവന് ഒട്ടു പറഞ്ഞാല്‍ മനസിലാവില്ല... നമ്മള്‍ തോറ്റു മുക്ക്ളിയിട്ടു പോയിട്ടും .. നമ്മുടെ കാരണവര്‍ ഇവിടെ വവ്വാല്‍ കളിക്കുന്നത് കണ്ടോ ?? അത് തന്നയാ അവിടേയും ??
അപ്പോള്‍ നമ്മള്‍ ഒരു നാണയത്തിന്റെ ഇരു വശം ആണെന്ന് പറ.... അപ്പോള്‍ ഒബാമ അച്ചായന്‍ ഇപ്പോഴും അവിടതന്നെയുണ്ട്‌ ....
ശൂ .... പതുക്കെ .. ഇതൊക്കെ ആരെങ്കിലും കേട്ടാല്‍ ..പറയും നമ്മള്‍ സാമ്രാജിയ ശക്തികളുമായി കൂട്ട് കൂടുകയാണെന്ന് ... ആകപാടെയുള്ള ഒരു ആയുധമാ ... അത് കൂടി വിട്ടുകളിക്കാന്‍ ഞാനില്ല ..അല്ലെങ്ങിലും എല്ലായിടത്തും പൊള്ളിയിരിക്കുവാ ... എന്തായാലും വല്ലഭാവന് പുല്ലും ആയുധം .. നീ വാ..ഒരു പ്രസ്‌ മീറ്റ് നടത്തി കളയാം .,..... പഴിയെല്ലാം അങ്ങേര്‍ക്കു കൊടുത്തേക്കാം .
????
പ്രസ്‌ മീറ്റ് :
ഇവിടെ നമ്മള്‍ മാത്രമല്ല പരാജയ പെട്ടിരിക്കുന്നത് ... ഇത് ഒരു താല്‍ക്കാലിക പരാജയം മാത്രം . നമ്മളെ തോല്പിക്കാന്‍ ചുക്കാന്‍ പിടിച്ച സാമ്രജിയ ശക്തികള്‍ക്കും കിട്ടി അടി . അവരും തോറ്റു . അപ്പോള്‍ എന്താ മനസിലാകേണ്ടത് ?? അവിടത്തെ പ്രബുദ്ധരായ ജനങ്ങള്‍ അവിടത്തെ ജന വിരുദ്ധ നയങ്ങള്‍ക്കെതിരെ പ്രതികരിച്ചു .മാത്രമല്ല ഇങ്ങു നമ്മുടെ കേരളത്തില്‍ നമ്മളെ തോല്‍പ്പിക്കാന്‍ കൊട്ട് നിന്ന അവിടത്തെ സര്‍ക്കാരിനു ഒരു കൊട്ടും കൊടുത്തു . ഇവിടെ സര്‍ക്കാര്‍ ചെയ്ത നല്ല കാര്യങ്ങള്‍ ജനങ്ങളിലെത്തിക്കാന്‍ കഴിഞ്ഞില്ല .പക്ഷെ വോട്ടുകള്‍ കൂടുകയാണ് ചെയ്തത് .അത് എല്ലാം ഒളിച്ചു പോയെങ്കിലും അടിത്തറ കൊണ്ട് മാത്രമാണ് .അടിത്തറ ഇളകി എന്ന് ചില കുപ്രചാരണങ്ങള്‍ വെറും കെട്ടു കഥയാണ്‌ . അടിത്തറ ഇളകിയെങ്കില്‍ ഇപ്പോള്‍ ഞാന്‍ ഇവിടെ ഇരിക്കുമോ ?? അടുത്ത തവണ അടി-തറയും മേല്‍കൂരയും കൊണ്ട് ഞങ്ങള്‍ വരും .. ചില കുലംകുത്തികള്‍ ഒഴിഞ്ഞു പോയി . ഇപ്പോള്‍ കിട്ടിയത് വല്യേട്ടന്റെ മാത്രം വോട്ടുകളാണ് .ഇവിടെയെന്താണ് സംഭവിച്ചത് .. നമ്മളെ തോല്‍പ്പിക്കാന്‍ സാമ്രജ്യഷക്തികളെ കൊട്ട് പിടിച്ചു ഇവിടത്തെ ജനവിരുദ്ധ ശക്തികള്‍ ഒരുമിച്ചു. എന്നാലും ഇത് താല്‍ക്കാലികം മാത്രമാണ് . ഞാന്‍ അന്നേ പറഞ്ഞതാണ് നമ്മുടെ കാര്യത്തില്‍ ഇടപെടരുത് ഇടപെടരുത് എന്ന്. കേട്ടില്ല. തല്ക്കാലം ഇത് മതി .
അങ്ങനെ പ്രസ്‌ മീറ്റ് കഴിഞ്ഞു .....
നമ്മള്‍ ചൈനയെ കണ്ടു പഠിക്കണം . അവിടെ ഇപ്പണിയൊന്നും വിലപോവില്ല .
എന്ത് വിലപോവില്ല എന്ന് ..
അല്ല ഈ മാതിരി ഗിമിക്കുകളൊന്നും
ആ അങ്ങനെ.. ഇത് താല്‍ക്കാലികം മാത്രമാണ് എന്ന് വിളിച്ചു കൂവുന്നത് കേട്ടല്ലോ ?? എന്ത് താല്‍ക്കാലികം ...
ഞാന്‍ പറഞ്ഞതില്‍ ഇപ്പോഴും ഞാന്‍ ഉറച്ചു നിക്കുന്നു .. ഇത് താല്‍ക്കാലികം മാത്രമാണ് ... ഡാ. ഒരു ആറു മാസവും കൂടി കഴിഞ്ഞാല്‍ നിയമസഭ തിരെഞ്ഞെടുപ്പ് വരുകയല്ലേയ് ??
അത് കൊണ്ട് ??
ഡാ...അതില്‍ മിക്കവാറും നമ്മള്‍ മൂക്ക് കൊണ്ട് ക്ഷ, ന്നാ, പ്പാ ...എന്നൊക്കെ വരയ്ക്കും ... അപ്പോള്‍ അതിനല്ലേ ആളുകള്‍ പ്രാമുഖ്യം കൊടുക്ക്ന്നത് ... അപ്പോള്‍ ഈ തോല്‍വി ഒരു താല്‍ക്കാലികം മാത്രം അല്ലേ ?? വെറും ആറു മാസത്തെ ആയുസ് മാത്രം ....
(@$%@$@# കഷ്ട്ടം ......)
പുലി തന്നപ്പോ .. പുലി .... സമ്മതിച്ചു തന്നിരിക്കുന്നു ...
ഇതൊക്കെ ഞാനെത്ര കഴിഞ്ഞതാ ... കൊക്ക് എത്ര കൊളം കണ്ടതാ... കൊളം എത്ര കൊക്കിനെ കണ്ടതാ .... ഹീ..ഹീ....
ആ .. പോട്ടെ ... ഈ പറഞ്ഞത് ഒക്കെ ഇവിടത്തെ ജനങ്ങള്‍ വിശ്വസിക്കുമോ ??
അതിനു ഞാനൊന്നും പറഞ്ഞില്ലല്ലോ ??
അല്ല ...അമേരിക്ക ...സാമ്രാജിത്വം എന്നൊക്കെ ...
വിശ്വസിക്കണം എന്നാരു പറഞ്ഞു ?? നമ്മള്‍ ഒരു കാരണം അങ്ങ് പറഞ്ഞു .. അത്ര തന്നെ ..
എന്റെ ഒബാമ പുണ്ണിയാളാ .. നീ ഇല്ലയിരുന്നെങ്ങില്‍ ... ഇപ്പോള്‍ മുതല്‍ നീ എന്റെ മനസ്സില്‍ ഒരു പുണ്ണിയാളനാണ് .. എന്നും നെനെക്ക് ഞാന്‍ വിളക്ക് കത്തിച്ചെക്കാമെ ..
ഓ ... പതുക്കെ പതുക്കെ ..... ഇപ്പോള്‍ പറഞ്ഞത് പറഞ്ഞു ....ഇനി മിണ്ടരുത് ... ഇത് ആരെങ്കിലും കേട്ടാല്‍ ..അത് മതി ... കടയും പൂട്ടി വീട്ടില്‍ പോയിരിക്കാം .... മുപ്പീന്നു വല്ല കാര്യവും കിട്ടാന്‍ വേണ്ടി കാത്തിരിക്കുവാ .... ഇപ്പോള്‍ കളിക്കുന്ന ലോട്ടറി കളി പോലാവില്ല ..പുള്ളിക്കാരന് ഗുലാനെ ഇറക്കും .. അങ്ങേര്‍ അങ്ങ് കയറി ഇറങ്ങും ...പാണ്ടി ലോറി കയറുന്നത് പോലെ .. പറഞ്ഞേക്കാം ..
!!........... മ്മം
അല്ല മച്ചമ്പി ... ആ ഒബാമ വരുമ്പോള്‍ നമ്മള്‍ വല്ലതും കാണിക്കണ്ടേ ?? ഒന്നും ഇല്ലാന്ന് ആണല്ലോ അറിവ് ??
അതൊക്കെ ആര് പറഞ്ഞു ...തീരുമാനം മാറ്റി ... അടി കിട്ടിയപ്പോള്‍ എല്ലാ അടവും നമ്മള്‍ മാറ്റി.. ഇനി പഴയ ആ തച്ചോളി അടവുകള്‍ പുറത്തെടുക്കണം
ആ പഴയ അടവുകള്‍ ഇനി വിലപോകുമോ ??
പെന്നെന്തു .... ഇപ്പോഴും കുറച്ചു പോഴന്മാര്‍ ഇവിടെയുണ്ട് .. നമ്മള്‍ എന്ത് പറഞ്ഞാലും അത് വിഴുങ്ങി കോളും ..അല്ലെങ്ങില്‍ നമ്മള്‍ കൂലിക്ക് ആളിനെ ഇറക്കുമടെയ് .. ഇതൊന്നും വല്യ കാര്യങ്ങള്‍ അല്ല..
??
നീ അതും ഇതും ആലോചിച്ചു തല പുകയ്ക്കണ്ട പറഞ്ഞത് കേട്ടാല്‍ മതി ..
(പോഴന്‍ ഞാന്‍ ?? #$ .. ഹോ )
ഡാ. അത് നമുക്കും ഇവിടെ പിടിച്ചു നില്‍ക്കണ്ടേ ... ഇങ്ങനയോക്കയെ നാലാളെ കൂട്ടാന്‍ പറ്റു . അത് കൊട്ടി അറിയിക്കാന്‍ പറ്റു... എന്തെങ്കിലും ഒക്കെ ചെയ്യേണ്ടേ?? നമ്മളും ഇവിടൊക്കെയുണ്ട് എന്ന് നാലാളറിയണ്ടേ ?? ... അല്ലെങ്കില്‍ ചുറ്റും നിക്കുന്ന ചെറ്റകള്‍ ഒക്കെ നോക്കി ചിരിക്കും ....
അപ്പോള്‍ നമ്മള്‍ എല്ലാം ഡെമോ ആണോ ചെയ്യുന്നത് ...
ഹാ അങ്ങനല്ല... അങ്ങ് പോളപ്പിക്കണം .... ഇനി ഇത് പോലൊരു അവസരം വരുന്നത് അടുത്ത അഞ്ചു വര്ഷം കഴിയുമ്പോള്‍ ആയിരിക്കും ... എന്തായാലും നമുക്ക് അങ്ങേരെ കാണാന്‍ പറ്റുകയില്ല... അങ്ങേര്‍ ഒട്ടു നമ്മളെ കാണാനും പോകുന്നില്ല.. അപ്പോള്‍ പിന്നെ എന്തും ആവാം.. എന്നാലും മീഡിയ കവറേജു കുറയരുത്‌ ... കുറച്ചു കാശ് കൊടുത്തെങ്കിലും മുന്നിലെ പേജില്‍ തന്നെ ഇടണം പടം .. ചില പോളപ്പന്മാരുണ്ട് അങ്ങ് കേന്ദ്ര തലത്തില്‍ .... നായിന്റ മക്കള്‍ ...അവന്മാര്‍ ചിലപ്പോള്‍ പണി തരും ... അവന്മാരെ ഒക്കെ ഒരു കണ്ണ് വേണം ...
അയ്യോ പതുക്കെ ... മാധ്യമ സിണ്ടികേറ്റു ??
തേങ്ങാ കൊല ... അതൊക്കെ നമ്മള്‍ തന്നെ ഉണ്ടാക്കിയ പടക്കങ്ങളല്ലേയ്?? ..നമ്മുടെ ആവശ്യത്തിനു വേണ്ടി .. നമ്മള്‍ക്ക് അത് തല്ക്കാലം മറക്കാം... അല്ലെങ്കിലും ഇതൊക്കെ മറന്നലേയ് പറ്റു?? നീ ചെല്ല് ...
അപ്പോള്‍ ഞാനും പോട്ടെ??
എവിടെയ്ക്ക??
ഞാന്‍ ഡല്‍ഹിയില്‍ ഒന്ന് പോകുന്നു .. തല്ക്കാലം ഇത് ആരും അറിയണ്ടാ.. പോയിട്ട്.. അവിടെ വല്ലവന്മാരുടെയും കാലില്‍ പിടിച്ചു അങ്ങേരെ ഒന്ന് കാണാന്‍ പറ്റുമോന്നു നോക്കട്ടെ ...
ആരുടെ കാര്യമാ ??
നമ്മുടെ ഒബാമ പുണ്ണിയാളന്‍
??$#%#% ഹൂ.. (അപാര തൊലികട്ടി ??) ??$#%#%
ഞാന്‍ നേരത്തെ പറഞ്ഞില്ലേ... പുന്ന്യാളന്‍.. നമ്മുടെ ഒബമയീ... ഒരു നന്ദി വാക്കെങ്ങിലും പറയണ്ടേ ?? അയാള്‍ വിചാരിച്ചത് കൊണ്ട് ഇന്ന് നമ്മള്‍ ഒരു പത്ര സമ്മേളനം നടത്തി രക്ഷ പെട്ട് .. പുള്ളിക്കാരനെ ഒന്ന് കാണണം പറ്റുമെങ്കില്‍ ഒന്ന് സംസാരിക്കണം .. അവിടെ വല്ല സ്കോപ്പും ഉണ്ടോ എന്ന് ചോദിക്കണം .. ഫിഫ്ടി ഫിഫ്ടി .. പറ്റുമ്മോ എന്തോ ...
നമ്മുടെ അന്തപ്പന്‍ ചിറ്റപ്പന്‍ അവിടയല്ലേ ?? പുള്ളിക്കാരന് വല്യ പിടിയാ... പുള്ളിക്കാരന് വിചാരിച്ചാല്‍ ചിലപ്പോള്‍ നടക്കുമായിരിക്കും ...
പുള്ളിക്കരനുമായി നമ്മള്‍ പിരിഞ്ഞിട്ടു പത്തു ഇരുപത്തഞ്ചു വര്‍ഷമായില്ലേ ..?? പുള്ളിക്കാരന് ഓര്‍ക്കുമോ പഴയത് വല്ലതും ?? അല്ലെങ്കിലും പുള്ളിക്കാരന് വല്യ സ്ഥിതിയിലാ .. സ്കടും മിസ്സൈലും കൊണ്ടാ ഇരിക്കുന്നത് ..
... മം ....
എന്തെയാലും ചെല്ലാം... വല്ലതും നടക്കുമെങ്കിലോ ?? അല്ലെങ്കിലും നമ്മള്‍ തമ്മില്‍ പിണങ്ങിയിട്ടില്ലല്ലോ ?? ഞാന്‍ അന്ന് തിണ്ണയിലിരുന്നു പീ .. പീ ഊതി കളിക്കുവല്ലായിരുന്നോ ?? ഇപ്പോള്‍ ഞാന്‍ അങ്ങ് വളര്‍ന്നു മല പോലായില്ലേയ് ... ഞാന്‍ പറയുന്നത് തന്നെ വേദവാക്ക്യം ...ആരും മറു വാക്ക് പറയില്ല.. അതല്ലേ ഞാന്‍ .... ഇപ്പോള്‍ ഞാനും അന്തപ്പന്റെ കൂടെ നിക്കാരായില്ലേയ് ??
ശെരി ശെരി .... ചെന്ന് നോക്ക് ... നമ്മുടെ കാരണവര്‍ അറിയണ്ടാ..ചുമ്മാ എന്തിനാ പുലിവാല്‍ പിടിക്കുന്നത്‌ ...അല്ലെങ്കിലും നല്ല സമയം അല്ല.. കുഴിയില്‍ നിന്നും കുഴിയിലേക്കാ ...
ങ്ഹാ ..പിന്നെ ഒരു കാര്യം .. നീ ഇത് ആരോടും പറയാന്‍ പോകണ്ടാ...
അപ്പൊ ശെരി പോയ് വരാം ..... ഒബാമ പുണ്ണിയാളാ നമോ വാകം .....
...
2010, ഒക്‌ടോബർ 26, ചൊവ്വാഴ്ച
അരുന്ധതി റോയ് ഇന്ത്യയുടെ അഭിവാജ്യ ഘടകമോ ??
കാശ്മീര്‍ ഇന്ത്യയുടെ അഭിവാജ്യ ഘടകം ഒരിക്കലും ആയിരുന്നില്ലയെന്നും അത് കേന്ദ്ര സര്‍ക്കാര്‍ മനസ്സിലാകണം എന്നുമൊക്കെയായിരുന്നു തട്ടി എഴുന്നള്ളിച്ചു വിട്ടത് . ഇത് ഇരിക്കുന്ന കൊമ്പ് മുറിക്കുന്നതിനു തുല്യമാണ് . ഞാന്‍ കാശ്മീര്‍ ജനതയ്ക്ക് വേണ്ടിയാണ് സംസാരിക്കുന്നതെന്നും അവരുടെ ശബ്ദമാണ് എന്നില്‍ നിന്നും വരുന്നതെന്നും തട്ടി മൂളിച്ചു . ഇത് കശ്മീരിനും ഇന്ത്യക്കും വേണ്ടിയല്ല ; പാകിസ്താനും ചൈനക്കും വേണ്ടിയുള്ള തോന്ന്യാസം പറച്ചിലാണ് .
ഇന്ന് രാജ്യദ്രോഹ കുറ്റത്തിന് കേസ് എടുക്കുമെന്നായപ്പോള്‍ പുള്ളിക്കാരി ഒരു പ്രസ്താവനയുമായി ഇറങ്ങി . പുള്ളിക്കാരി അവിടമെല്ലാം സന്ദര്‍ശിച്ചു ; അവിടെയുള്ള സ്ഥിതി നേരിട്ടു മനസ്സിലാക്കി . മനുഷ്യാവകാശ ലംഘനം അവിടെ നടക്കുന്നു എന്നും വളരെ ദയനീയം ആണ് അവിടത്തെ സ്ഥിതി എന്നും ഒക്കെ അതിലുണ്ട്. അവരുടെ മനസ്സാണ് ഞാന്‍ പറഞ്ഞെതെന്നും ; നീതിക്ക് വേണ്ടി മാത്രമാണ്താന്‍ പറഞ്ഞെതെന്നും രാജ്യ ദ്രോഹ കുറ്റത്തിന് കേസ് എടുക്കുന്നതില്‍ ദുഖമുണ്ടെന്നും . ഇതിനെതിരെ പ്രമുഖ രാഷ്ട്രിയ പാര്‍ട്ടികള്‍ പ്രതികരിക്കുകയും ചെയ്തിട്ടുണ്ട് . അരുധതി റോയിയെ പോലെ ഒരാളില്‍ നിന്നും രാജ്യം ഇത് പ്രതീഷിച്ചില്ല , മാത്രമല്ല ഇത് ഞെട്ടിക്കുകയും ചെയ്തിട്ടുണ്ട് .
ഇത് സ്വന്തം വീട്ടില്‍ നിന്നിട്ട് അയല്‍ക്കാരന്‍ വിരുന്നിനു വന്നപ്പോള്‍ ; ഈ വീട് അഅടുത്തുള്ളവന്റെ ആണ് .. ഇത് ഒരിക്കലും എന്റെ അപ്പന്റെയോ അമ്മയുടെയോ ആല്ല .. എന്ന് പറയുന്നത് പോലെയാണ് . ആ അമ്മച്ചിക്ക് ബുക്കര്‍ തലയ്ക്കു പിടിച്ചെന്നാ തോന്നുന്നത് . അതോ ഇനി പാകിസ്താന്‍ , ചൈന എന്നിവരുടെ കയ്യില്‍ നിന്നും ആച്ചാരവും വാങ്ങി വന്നു നിന്ന് പറയുന്നതാണോ ?? അതോ ഇനി വല്ല ലിഉ സയാബോ (2010 ലേ ചൈനീസ് സമാധാന നോബല്‍ കിട്ടിയ മനുഷ്യാവകാശ പ്രവര്‍ത്തകന്‍ ) ആവാന്‍ വല്ല ശ്രമവും നടത്തുവാണോ ?? വല്ല സമാധാന നോബെലും അടിച്ചാലോ , ചുളുവില്‍ ?? ആരുടെ ബുദ്ധിയാണോ എന്തോ ഇത് ?? ഏതായാലും പുലിവാല്‍ കുടെയുണ്ട് .
പാകിസ്ഥാന്‍ ഇത് ആഘോഷിക്കുക തന്നെ ചെയ്തു . " ഇന്ത്യ തുറന്നു കാണിക്കപെടുന്നു " , " ഒടുവില്‍ അരുധതി റോയ് സത്യം പറയുക തന്നെ ചെയ്തു " എന്നിങ്ങനെയായിരുന്നു അവിടത്തെ പത്രങ്ങളുടെ തലകെട്ടുകള്‍ .
അരുന്ധതി റോയ് പറയുന്നു ഇത് വെറും സത്യം ആണ് , സര്‍ക്കാര്‍ മനസ്സിലാക്കണം എന്നൊക്കെ ... ഏതൊക്കെ?? . വര്‍ഷങ്ങളായുള്ള ഇന്ത്യക്കാരന്റെ മനിസ്സിലെ വികാരത്തിനാണ് കത്തി വെയ്ച്ചത് . എന്നിട്ട് രാജ്യ ദ്രോഹം അല്ലന്നോ ?? പിന്നെ എന്താണ് രാജ്യ ദ്രോഹം ? അതും കൂടി ഒന്ന് നിര്‍വചിക്കണം , റോയ് ?? കേരളം നാളെ ഒരു രാജ്യം ആയെന്നു വരാം . അങ്ങനെ കേരള രാജ്യം , തമിഴ്നാട്‌ രാജ്യം (ഉടനെ അടുത്ത യുദ്ധവും പ്രഖ്യാപിക്കും മുല്ലപെരിയാരിനു വേണ്ടി ) ,മുംബൈ രാജ്യം ... അങ്ങനേ അങ്ങനേ .... പണ്ടത്തെ പോലെ നാട്ടു രാജ്യങ്ങള്‍ . ആഹാ ...എന്ത് രസം ...
കുത്തിയിരുന്നു ഒരു നോവല്‍ എഴുതിയത് സായിപ്പന്മാരുടെ ഭാഷയിലായിപോയി ; അങ്ങനെ നമ്മുടെ സംസ്കാരം വെയ്ച്ചു ഒരു ബുക്കെര്‍ അടിച്ചെടുത്തു . അതിനേക്കാള്‍; എത്രയോ മഹാനീയമായ നോവലുകള്‍ മലയാളത്തില്‍ ഉണ്ടായിട്ടുണ്ട് , പക്ഷെ അത് സായിപ്പിന്റെ ഭാഷയില്‍ അല്ല. അതാണ് കുറ്റം . ഒരു ബുക്കെരിന്റ പേരില്‍ ഇത്രയും അഹങ്കാരം പാടില്ല , എന്തും ഏതും പറയാമെന്നു വന്നാല്‍ . ഇന്ത്യ ചോദിക്കാനും പറയാനും ആളില്ലാത്ത നാടല്ല. ഓര്‍ത്തിരിക്കുന്നത് നല്ലത് . അല്ലെങ്കില്‍ വിവരം അറിയും .
അരുധതി റോയ് എന്നാ വ്യക്തി ഇന്ത്യക്കാരിയായി അറിയപ്പെടണമെന്നു ഇന്ത്യക്കാര്‍ക്ക് (ഇപ്പോള്‍) ആഗ്രഹം ഇല്ല . അല്ലെങ്കിലും താങ്കള്‍ ഒരിക്കലും ഇന്ത്യയുടെ അഭിവാജിയ ഘടകം ആയിരുന്നില്ലല്ലോ?? ഇനി ഒട്ടു ആയിരിക്കാനും പാടില്ല . താങ്കള്‍ക്കു ഇന്ത്യയില്‍ നിന്നും സ്വാതന്ത്ര്യം തന്നിരിക്കുന്നു . പോകൂ ഇന്ത്യ വിട്ടു .... ക്വിറ്റ്‌ ഇന്ത്യ ... ക്വിറ്റ്‌ ഇന്ത്യ ... ക്വിറ്റ്‌ ഇന്ത്യ ... ഇനി ഇന്ത്യയിലേക്ക് കയറ്റാതിരിക്കാനുള്ള സ്വാതന്ത്ര്യം ഇന്ത്യക്കാര്‍ക്കും ഉണ്ട് !!!
ഇതാണ് ഇന്ന് രാവിലെ പ്രസ്‌ മീറ്റില്‍ അരുന്ധതി റോയ് എഴുതി വായിച്ച പ്രസ്താവനയുടെ പൂര്‍ണ രൂപം :
'I write this from Srinagar, Kashmir. This morning's papers say that I may be arrested on charges of sedition for what I have said at recent public meetings on Kashmir. I said what millions of people here say every day. I said what I, as well as other commentators have written and said for years. Anybody who cares to read the transcripts of my speeches will see that they were fundamentally a call for justice. I spoke about justice for the people of Kashmir who live under one of the most brutal military occupations in the world; for Kashmiri Pandits who live out the tragedy of having been driven out of their homeland; for Dalit soldiers killed in Kashmir whose graves I visited on garbage heaps in their villages in Cuddalore; for the Indian poor who pay the price of this occupation in material ways and who are now learning to live in the terror of what is becoming a police state.
Yesterday I traveled to Shopian, the apple-town in South Kashmir which had remained closed for 47 days last year in protest against the brutal rape and murder of Asiya and Nilofer, the young women whose bodies were found in a shallow stream near their homes and whose murderers have still not been brought to justice. I met Shakeel, who is Nilofer's husband and Asiya's brother. We sat in a circle of people crazed with grief and anger who had lost hope that they would ever get 'insaf'—justice—from India, and now believed that Azadi—freedom— was their only hope. I met young stone pelters who had been shot through their eyes. I traveled with a young man who told me how three of his friends, teenagers in Anantnag district, had been taken into custody and had their finger-nails pulled out as punishment for throwing stones.
In the papers some have accused me of giving 'hate-speeches', of wanting India to break up. On the contrary, what I say comes from love and pride. It comes from not wanting people to be killed, raped, imprisoned or have their finger-nails pulled out in order to force them to say they are Indians. It comes from wanting to live in a society that is striving to be a just one. Pity the nation that has to silence its writers for speaking their minds. Pity the nation that needs to jail those who ask for justice, while communal killers, mass murderers, corporate scamsters, looters, rapists, and those who prey on the poorest of the poor, roam free.'
Arundhati Roy
October 26, 2010
2010, ഒക്‌ടോബർ 25, തിങ്കളാഴ്‌ച
മരണം സ്പോണ്‍സര്‍ കേരള സാംസ്കാരിക വകുപ്പ്
ഇത് കേരള സാംസ്കാരിക മോഡല്‍ . ഏത് എന്നല്ലേ . ഇന്നലെ മലയാളത്തിന്റെ പ്രമുഖ കവി ശ്രീ അയ്യപ്പന്‍ മരണമടഞ്ഞു . പുള്ളിക്കാരന് വഴിയില്‍ കിടന്നാണ് മരിച്ചതെന്നും ആള്‍ അനാഥനാനെന്നും ഒക്കെ ശെരി. എന്നാലും പോക്രിത്തരം കാണിക്കുന്നതിന് ഒരു അതിര് വേണ്ടേ?? ഇത് തന്നെയാണോ സാംസ്കാരിക കേരളം . ഇനി സാംസ്കാരിക നായകന്മാര്‍ എന്ന് ലേബല്‍ നെറ്റിയില്‍ ഒട്ടിച്ചു വഴി നീളെ തോന്നിയതും പാടി നടന്നു പാര്‍ട്ടിയെയും പിന്നെ സ്വജ്ജനങ്ങളെയും സുഖിപ്പിക്കുന്ന സംസ്കാരികര്‍ എവിടെ ?? ഉറങ്ങി പോയോ?? സുകുമാര്‍ അഴികോട് ഒഴിച്ച് ഒരുത്തനും പ്രതികരിച്ചില്ല .ഒരക്ഷരം മിണ്ടിയില്ല .... ഛീ.. ഛീ...മോശം കേരള സാംസ്കാരിക കയ്യാളമാരുടെ സാംസ്കാരിക അധംപതനത്തിനു വേറെ എന്ത് ഉദാഹരണം ?? ഇത്രയും മ്ലേച്ചമായി സംസ്കാരം കാണിക്കാന്‍ അവരെ കൊണ്ടേ ആവു ?? ഇത്രയും മിണ്ടാനും പറയാനും എന്താ ഉണ്ടായതെന്നല്ലേ??
കേരള സര്‍ക്കാര്‍ വക സാംസ്കാരികം ..... മഹത്തായ സംസ്കാരം നിറഞ്ഞ ഒരു സല്‍കര്‍മ്മം ഇന്നലെ സാംസ്കാരിക വകുപ്പില്‍ നിന്നുണ്ടായി . സംസ്കാരം രണ്ടു ദിവസത്തേക്ക് മാറ്റി . ഇനി ഇത്രയും നാള്‍ നമ്മുടെ മഹനീയ വ്യക്തികള്‍ക്ക് വേണ്ടി കാത്തു കിടക്കണം . ബേബിമാര്‍ തിരക്കിലാണ് . പാവം ശരീരം എന്ത് പിഴച്ചു . ജീവിച്ചിരുന്നപ്പോള്‍ ആര്‍ക്കും ഒരു ബാധ്യതയായില്ല .. ഇപ്പോള്‍ മറ്റുപലര്‍ക്കും വേണ്ടി സ്വന്തം ശരീരം ഒരു ബാധ്യതയാക്കി വെച്ചിരിക്കുന്നു . ഇതാണ് നമ്മുടെ സാസ്കാരിക വകുപ്പിന്റെ പ്രശംസനീയമായ സംസ്കാരപ്രകടനം. ചോദിക്കാനും പറയാനും ആരെങ്ങിലും ഉണ്ടെങ്കില്‍ ഇത് സംഭവിക്കുമോ?? ഇല്ലാന്ന് പതുക്കെ പറഞ്ഞാല്‍ പോരാ..ഉറച്ചു തന്നെ പറയേണ്ടിവരും . ആരും ഒരു ചെറു വിരല്‍ പോലും അനക്കിയില്ല ഇതിനെതിരെ . അയ്യപ്പന്‍റെ അപ്രകാശിത കവിത പോലെ കടാരയെക്കാള്‍ മാരകമായ ആയുധം കൊണ്ടുള്ള കുതീട്ടു ബഹുമാന്യനായ കവിയുടെ ശരീരം ഇപ്പോള്‍ വിറങ്ങലിച്ചിരിക്കുന്നു .
ആരോട് പറയേണ്ടു ഞാന്‍ .........
ഇനി പറയാന്‍ ആര് ബാക്കി ...
ഇവിടെ ഞാന്‍ മൂകസാക്ഷി ....
യെന്നുടെ ശരീരം മരവിക്കുന്നു ..
യെന്നുടെ ശരീരം വിറങ്ങലിക്കുന്നു ..
ഈ കാത്തു കിടപ്പ് ജീവിതത്തെക്കാള്‍ ദുസ്സഹം ...
ഇനി ആരെങ്ങിലും (സര്‍ക്കാര്‍ വക പരിഗണന വേണമെന്നുന്ടെങ്ങില്‍ .. വേണ്ടെങ്കിലും ചിലപ്പോള്‍ അടിച്ചേല്‍പ്പിക്കും ) ഇങ്ങനെ മരിക്കാന്‍ ഉദ്ദേശ്ശിച്ചിട്ടുണ്ടെങ്കില്‍ ; അത് ദയവായി എല്ലാവരുടെയും സമയവും സന്ദര്‍ഭവും നോക്കിയാവണം . പുതിയ വിജ്ഞാപനം ഉടനെ ഇറക്കുന്നതായിരിക്കും . തിരഞ്ഞെടുപ്പ് ഒന്ന് കഴിയണം വിജ്ഞാപനം ഇറക്കാന്‍ . അല്ലെങ്കില്‍ ശവശരീരത്തിനെ സ്വാധിനിക്കാന്‍ ശ്രമിച്ചു എന്ന് പറഞ്ഞു തിരഞ്ഞെടുപ്പ് കമ്മിഷന് പരാതി പോകാന്‍ സാധ്യത ഉണ്ട് . ഇനി ഒരു തരത്തിലുമുള്ള വിവാദത്തിനും സാംസ്കാരിക വകുപ്പ് ഇല്ല. ഈ പറയുന്ന സമയത്തൊന്നും മരിക്കാന്‍ പാടുള്ളതല്ല . അഥവാ മരിച്ചാല്‍ കാത്തു കിടക്കണമെന്നും വിജ്ഞാപനം അനുശാസിക്കുന്നു . അല്ലെങ്കില്‍ സര്‍ക്കാര്‍ അല്ലെങ്കില്‍ സര്‍ക്കാര്‍ വക ആരും തിരിഞ്ഞു നോക്കില്ല .
മരിക്കാന്‍ പാടില്ലാത്തതായ സന്ദര്‍ഭങ്ങള്‍ :
1 . തിരഞ്ഞെടുപ്പുമായി ബന്ധപെട്ട ദിനങ്ങള്‍ , ഇത് തിരെഞ്ഞെടുപ്പ് നടക്കുന്നതിനു മുന്ന് നാള്‍ മുമ്പ് വരെ പരിധിയില്‍ വരും .
2 . പാര്‍ട്ടി മീറ്റിംഗ് ഉള്ളപ്പോള്‍.
3 . പാര്‍ട്ടി വക എന്തെങ്കിലും സമര പരിപാടികള്‍ ഉള്ളപ്പോള്‍ .
4 . ഹര്‍ത്താല്‍ ദിനത്തില്‍ ; (ശവത്തിനു സര്‍ക്കാര്‍ ഉത്തരവാദികളല്ല ).
5. എന്തെങ്കിലും സ്വകാര്യ ചടങ്ങുകള്‍ ഉണ്ടെങ്കില്‍ .
6. മേല്‍ പറഞ്ഞ ദിനത്തില്‍ നിന്നും സാംസ്കാരിക വകുപ്പിന് സമയത്തിലും ദിവസത്തിലും തോന്നിയ പോലെ മാറ്റത്തിന് അനുവദനീയമാണ് .
NB : ഇത് സാംസ്കാരിക വകുപ്പുമായോ സര്‍ക്കാര്‍ വകുപ്പുമായോ പിന്നെ പാര്‍ട്ടിയുമായോ അടുപ്പമുള്ളര്‍വര്‍ക്കും പിന്നെ അടുത്ത ബന്ധക്കാര്‍ക്കും ബാധകമല്ല .
2010, ഒക്‌ടോബർ 21, വ്യാഴാഴ്‌ച
അംബാനിയുടെ തട്ട്കട റെഡി ... ചെറ്റത്തരത്തിനും വേണ്ടേ ഒരു അതിര് ??
അംബാനിയുടെ തട്ടുകട റെഡിമുകേഷ് അംബാനിയുടെ തട്ടുകട അന്റിലിയയുടെ ഉദ്ഘാടനം ഈ മാസം ഇരുപത്തെട്ടിനു നടക്കും. ആകെ മൊത്തം ഇന്ത്യക്കാരുടെയും പേര് അംബാനിയണ്ണന്‍ കളഞ്ഞു കുളിച്ചിരിക്കുകയാണ് എന്നാണ്‌എനിക്ക് പറയാനുള്ളത്. തെക്കന്‍ മുംബൈയില്‍ നാലു ലക്ഷം ചതുരശ്ര അടിയില്‍ വെറും ഇരുപത്തേഴ് നിലകളിലായി അംബാനി തട്ടിക്കൂട്ടിയിട്ടുള്ളത് വെറും ഒരു തട്ടുകടയാണ്. ദൂരെ നിന്ന് നോക്കുമ്പോള്‍ നാലുമുറിക്കടകള്‍ ഒന്നിന് മുകളില്‍ ഒന്നായി വെച്ചത് പോലെ. ലോകത്തെ പണക്കാരുടെ പട്ടികയില്‍ നാലാമനായ മുകേഷേട്ടന്‍ ഇത്രയും വിനയാന്വിതനാവാന്‍ പാടില്ലായിരുന്നു. അഞ്ചു പേര്‍ക്ക് താമസിക്കാനുള്ള ഈ വീടിന് വെറും എണ്ണായിരം കോടി രൂപ മാത്രമാണ് മുകേഷേട്ടന്‍ ഇറക്കിയിരിക്കുന്നത്. പിശുക്കുന്നതിനും ഒരു കണക്കില്ലേ. ആളൊന്നിന് രണ്ടായിരം കോടി പോലുമായില്ല. ആവശ്യത്തിന് കാശിറക്കാതെ ലോകത്തിലെ നാലാമത്തെ പണക്കാരന്‍ എന്ന് പറഞ്ഞിട്ടെന്താ കാര്യം. രണ്ടായിരത്തി പതിനാലില്‍ ഒന്നാമത്തെ പണക്കാരനായി മാറുമത്രേ!. അറ്റ്ലീസ്റ്റ് ഒരാള്‍ക്ക്‌ അയ്യായിരം കോടി നിരക്കില്‍ അഞ്ചു പേര്‍ക്ക് ഇരുപത്തയ്യായിരം കോടി ചിലവാക്കിയിരുന്നെങ്കില്‍ നമ്മള്‍ ഇന്ത്യക്കാര്‍ക്ക് അല്പമെങ്കിലും പറഞ്ഞു നില്‍ക്കാമായിരുന്നു. ഇതിപ്പോള്‍ രണ്ട് ബില്യന്‍ ഡോളര്‍ എന്നൊക്കെ പറയുമ്പോള്‍ മുകേഷേട്ടനെ സംബന്ധിച്ചിടത്തോളം ഖാജാ ബീഡി വലിച്ചത് പോലെയേ ഉള്ളൂ. അന്‍പത്തിമൂന്ന് വയസ്സുള്ള മുകേഷേട്ടന്‍, ഭാര്യ നീത (പെണ്ണായതു കൊണ്ടാണ് വയസ്സ് പറയാത്തത്. ജനിച്ചത് തൊള്ളായിരത്തി അറുപത്തി മൂന്നിലാണ്) മക്കളായ ആകാശ്‌, അനന്ത്, ഇഷ എന്നിവര്‍ ഏറ്റവും മുകളിലത്തെ നിലയിലാണ് അന്തിയുറങ്ങുക എന്ന് പറഞ്ഞു കേട്ടു. ഇവര്‍ അഞ്ചു പേരുടെ ശുശ്രൂഷക്ക് വെറും അറന്നൂറ് ജോലിക്കാരെ മാത്രമാണ് വെച്ചിട്ടുള്ളത്. അറുപിശുക്കന്‍ എന്നല്ലാതെ മുകേഷേട്ടനെ നമ്മള്‍ എന്താണ് വിളിക്കുക. അത് പോട്ടേന്ന് വെക്കാം. ഉള്ള പണിക്കാരെ വെച്ചു അവര്‍ എങ്ങനേലും അഡ്ജസ്റ്റ്‌ ചെയ്തോളും. അതുപോലെയല്ലല്ലോ വിരുന്നു വരുന്നവരുടെ കാര്യം. ആദ്യമെത്തുന്ന നൂറ്റി അറുപതു പേര്‍ക്ക് മാത്രമേ വീട്ടിനുള്ളില്‍ കാറ് പാര്‍ക്ക്‌ ചെയ്യാന്‍ പറ്റൂവത്രേ. കേട്ടിട്ട് എന്റെ തൊലിയുരിഞ്ഞു പോയി. ബാക്കിയുള്ളവരൊക്കെ കാറ് മുറ്റത്തെ പോര്‍ച്ചിലിടണം. ഇതിലധികം ഒരു നാണക്കേട് വേറെയുണ്ടോ? ലോകത്തെ ഏറ്റവും പണം ചിലവഴിച്ച വീടാണ്, ഇരുപത്തേഴ് നിലയുണ്ട് എന്നൊക്കെയാണ് പുറത്തെ സംസാരം. ബട്ട്‌ യു നോ, ടെറസിനു മുകളില്‍ മൂന്നേ മൂന്ന് ഹെലിക്കോപ്റ്ററേ വെക്കാന്‍ പറ്റൂ.. അഞ്ചു പേരുള്ള വീട്ടിന് മൂന്ന് ഹെലിക്കോപ്റ്റര്‍. അവിടെയും രണ്ടെണ്ണം പിശുക്കി. ഒരു ടോട്ടല്‍ നാറ്റക്കേസ് തന്നെ. ലോകത്തെ ഒന്നാം നമ്പര്‍ പണക്കാരനായ ബില്‍ ഗേറ്റ്സ്‌ മൂന്ന് മുറി വീട്ടിലാണ് കഴിയുന്നത് എന്ന് ചിലര്‍ പറഞ്ഞു നടക്കുന്നുണ്ട്. പുള്ളി സ്വന്തമായി അലക്കുന്നു, ഇസ്തിരിയിടുന്നു, ചായ ഉണ്ടാക്കുന്നു, സെക്കന്‍ഡ്‌ ക്ലാസ്സില്‍ യാത്ര ചെയ്യുന്നു… അങ്ങനെ പലതും. ഇതൊന്നും കേട്ട് നമ്മള്‍ കുലുങ്ങരുത് മുകേഷേട്ടാ… അയാള്‍ക്ക്‌ മുടിഞ്ഞ വട്ടാണ്. പോയി പണി നോക്കാന്‍ പറ..മുകേഷേട്ടനോട് എനിക്കൊന്നേ പറയാനുള്ളൂ. സായിപ്പ് പലതും പറയും. പലതും എഴുതും. അതൊന്നും നമ്മള്‍ കാര്യമാക്കരുത്. മുംബൈയില്‍ അറുപതു ലക്ഷം പേര് ഒറ്റമുറി വീട്ടിലാണ് കഴിയുന്നത്, പത്ത്‌ ലക്ഷം പേര് ചേരിയിലാണ്, അവിടെ കക്കൂസില്ല, കുളിമുറിയില്ല തുടങ്ങി നമ്മള്‍ ഇന്ത്യക്കാരെ മുഴുവന്‍ നാറ്റിക്കാന്‍ അവര്‍ ഇങ്ങനെ പലതും പറയുന്നുണ്ട്. ഇതൊക്കെ കേട്ട് മനം മടുത്തിട്ടാണ് ഏട്ടന്‍ വീട് പണിയുടെ ചെലവ് ചുരുക്കിയത് എന്നറിയാം. കഴിയുമെങ്കില്‍ പത്തോ അഞ്ഞൂറോ ഏക്കര്‍ സ്ഥലം കൂടി വാങ്ങിച്ചു മുറ്റത്ത് തന്നെ ഒരു ബോയിംഗ് ട്രിപ്പിള്‍ സെവന്‍ ഇറങ്ങാന്‍ പറ്റിയ എയര്‍പോര്‍ട്ട് പണിയണം. എപ്പോഴാണ് ഒരത്യാവശ്യം വരുക എന്ന് പറയാന്‍ പറ്റില്ല. നല്ല വായു ഗുളിക കിട്ടണമെങ്കില്‍ പോലും അമേരിക്കയില്‍ പോകേണ്ടി വരുന്ന കാലമാണ്. വീട് വെക്കാന്‍ വഖഫ്‌ ബോര്‍ഡുകാര്‍ സ്ഥലം തന്നത് പോലെ നല്ല കാശിറക്കിയാല്‍ നാട്ടുകാര്‍ ഇനിയും സ്ഥലം തരും. പണം കിട്ടിയാല്‍ എന്തും വിക്കുന്ന പരിഷകളാണ് ഇവിടെയൊക്കെയുള്ളത്. ഒരു ലാസ്റ്റ്‌ റിക്ക്വസ്റ്റ്‌ കൂടിയുണ്ട്. കഴിയുമെങ്കില്‍ ഒരു ഇരുപത്തിയേഴ് നില കൂടി ഇതിനു മുകളില്‍ പണിയണം. മുകളിലെ നിലയില്‍ മലര്‍ന്ന് കിടന്നാല്‍ ഹിമാലയം കാണണം. നമുക്ക് ഇന്ത്യയുടെ അഭിമാനമാണ് വലുത്. മ്യാവൂ: പടിഞ്ഞാറന്‍ കാറ്റിന് ധാരാവിയിലെ ചേരിയില്‍ നിന്നുള്ള ബാഡ്‌ സ്മെല്ല് കേറി വരാതിരിക്കാന്‍ ജനവാതില്‍ തുറന്നിടരുത് എന്ന് പിള്ളാരോട് മറക്കാതെ പറയണം. പനിയും ജലദോഷവും വന്നാല്‍ പോകാന്‍ പാടാണ് മുകേഷേട്ടാ.… ---------------------------------------------------------------------------------------------------------------------- |
ഈ പോസ്റ്റ് എനിക്കു മെയില്‍ ഫോര്‍വേഡ് ആയി കിട്ടിയതാണ് . വായ്ച്ചു ചവച്ചു തുപ്പാന്‍ തോന്നിയത് കൊണ്ട് ഒരന്ന്വേഷണം നടത്തി ചെന്ന് നിന്നത് ഈ ലിങ്കിലാണ് http://www.boolokamonline.com/?p=11760
ഇതിനെ കുറിച്ച് കൊറച്ചു എന്തെങ്കിലും പറഞ്ഞില്ലെങ്കില്‍ ഞാന്‍ അംബാനിയോടു കാണിക്കുന്ന നന്നികേടായിരിക്കും . അതും നമ്മളെ ഇരിപ്പ് വശം വെയ്ച്ചു നോക്കുമ്പോള്‍. പിന്നെ ദോസ്തുകളെന്നു പറഞ്ഞു തോളില്‍ കയ്യിട്ടു നടക്കുന്നെതെന്തിനാ?? ഒരു പണക്കാരന്റെ വേദന മറ്റൊരു പണക്കാരനെ മനസിലാവു ?? നെനെക്കൊക്കെ അങ്ങനെ പലതും വിളിച്ചു പറയാം .
കൊറേ ഉടായിപ്പും പോളപ്പുകളും കൊണ്ടിറങ്ങികോളും രാവിലെ . അവിടെന്നും ഇവിടന്നും എന്തെങ്കിലുമൊക്കെ കേട്ടിട്ട് അതിനെ പറ്റി എന്തും പോസ്റ്റ് ചെയ്യാമെന്ന് വെയ്ക്കുന്നു ആത്മ വിഡ്ഢികളുടെ കൂട്ടത്തിലാണ് ഈ പോസ്റ്റും . പോസ്റ്റ് ചെയ്തു ... വിഡ്ഢിയെ പോലെ ഇരുന്നു ചിരിക്കും . അംബാനിയുടെ വീടെന്നു പറഞ്ഞാല്‍ മുഴുവന്‍ താമസിക്കനുല്ലതല്ല. അത് അംബാനിയുടെ മുംബയിലെ കോര്‍പ്പറേറ്റ് ഓഫീസും കൂടിയാണ്. എന്നുള്ള ബേസിക് ജ്ഞാനം പോലും അറിവില്ലാത്ത ഇവനൊക്കെ എന്ത് പോസ്റ്റ് ചെയ്യാന്‍. ഇതും ചെയ്യും ഇതിനപ്പുറവും ചെയ്യും. അത് നമ്മള്‍ പറയില്ലല്ലോ . ആര്‍ക്കെങ്കിലും നാല് കാശ് കണ്ടു പോയാല്‍ പിന്നെ കണ്ണ് കടിയായി .അയാളെ മാക്സിമം നാറ്റിക്കണം . അതാണല്ലോ നമ്മുടെ മലയാളിയു ടെ അജണ്ട . മുകളിലത്തെ നിലയില്‍ അയാള്‍ താമസിക്കമെന്നു വെയ്ച്ചത് മോശം പണിയാണോ?? . ഒന്നുമില്ലെങ്കിലും ഓഫീസില്‍ വരാനുള്ള പെട്രോളെങ്കിലും ലാഭിക്കും . അതിനു അങ്ങേരെ നമിക്കണം . അതിനു പകരം കളിയാക്കുന്നോ?? ഇനി മുംബയിലെ തെരുവുകള്‍ പറഞ്ഞു കേട്ട് . അല്ലെങ്കിലും അംബാനിയല്ല മുംബയിലെ പാവപെട്ടവന്മാരുടെ കാവലാള്‍ .അതിനാണ് അവിടെ ഒരു സര്‍ക്കാര്‍ ഉണ്ട് .അത്രയ്ക്ക് ഇവന് ദണ്ണം ഉണ്ടെങ്കില്‍ ഇവന്റെ പകുതി വസ്തുക്കള്‍ അവര്‍ക്ക് എഴുതി കൊടുക്കടെയ് ; ഇനിയും നിറഞ്ഞില്ലെങ്കില്‍ മുഴുവനും കൊടുക്ക്‌ . അല്ലെങ്കില്‍ അവടെന്നു ഒരു പത്തു ഇരുപതെണ്ണത്തിനെ കൊണ്ട് നിന്റെ കൂടെ താമസിപ്പിക്കു . ചുമ്മാ മലയാളം അക്ഷരം അറിയാമെന്നു വെയ്ച്ചു എന്തും ഏതും എഴുതി പോസ്റ്റ് ചെയ്യരുത്. ഇത് ഈ പോസ്റ്റില്‍ പറയുന്നത് പോലെ മലയാളിയെ മൊത്തത്തില്‍ നാറ്റിക്കും. ചുമ്മാ ഞെളിഞ്ഞിരുന്നു എഴുതുന്നതിനു ആര്‍ക്കും ചുങ്കം കൊടുക്കണ്ടല്ലോ ?? ഒന്നുമില്ലെങ്കിലും ഒന്നന്ന്വേഷിക്കണം .. എന്താണ് ഏതാണ് എന്നൊക്കെ . സ്വയം കുഴിച്ചു അതില്‍ കിടന്നു മലര്‍ന്നു തുപ്പരുത് . ശുദ്ധ ചെറ്റത്തരം എന്നാണ് "എനിക്കു" പറയാനുള്ളത് ഈ പോസ്റ്റിനെ കുറിച്ച് . കാശുള്ളവന്‍ കാണിക്കുന്ന ഗിമിക്കുകള്‍ കണ്ടു കാശുണ്ടാക്കാന്‍ നടന്നു നടന്നു അവസാനം ഞാന്‍ നാണം മറയ്ക്കാന്‍ ഇല്ല എന്ന് വിളംബരം ചെയ്തു നാണം മറയ്ക്കുന്നവന്‍ അഹങ്കാരി എന്നുള്ള വിധി എഴുത്ത് .. അത് പോലെയാണ് ഇതും . ഒന്നുമില്ലെങ്കിലും ഇവനും മലയാളിയാണല്ലോ . നന്നാവുന്നത് കണ്ടു കൂടാ . ഇവന് നന്നാവുന്നത് എനിക്കും കണ്ടു കൂടാ. ഞാന്‍ മാക്സിമം ഇവനെ എഴുതി നാറ്റിക്കും ..അല്ലാതെ വേറൊന്നും ചെയ്യാന്‍ പറ്റില്ലല്ലോ ??
പിന്നെ ബില്‍ ഗേറ്റ് നെ കൂട്ട് പിടിക്കുന്നതും കണ്ടു . അയ്യോ ...അയ്യോ..അയ്യോ.. അല്ല.... ഞാന്‍ സ്വയം നില വിളിച്ചു പോയതാ .. ബില്‍ ഗേറ്റ് സ്വയം അലക്കുന്നു, ചായ ഇടുന്നു എന്നുള്ള പുതിയ അറിവുകള്‍ വായിച്ചറിഞ്ഞത് കൊണ്ടുള്ള ഞെട്ടലാ ... ഇവന് ബില്‍ ഗേറ്റ് മായി വര്‍ഷങ്ങളുടെ അടുപ്പമുണ്ട് .. അവനാണ് അയാളുടെ മറ്റുള്ള ജോലികള്‍ ചെയ്യുന്നത് ..ആ വീട്ടില്‍ അയാളും പിന്നെ ഇവനും കൂടിയേ ഉള്ളു .. എന്തും നടത്തും നടക്കും .. പുറത്തു പറയണ്ടാ .
ഈ പ്രസ്തുത പോസ്റ്റ് മലയാളത്തിലെ ആദ്യത്തെ ബ്ലോഗ് പേപ്പറില്‍ വന്നതാണ്. ബൂലോകതാലത്തില്‍ പക്ഷെ ഇത്തരത്തിലുള്ള പോസ്റ്റുകള്‍ അധികം ഇല്ല. ബഷീര്‍ വള്ളികുന്നു എന്ന് പറയുന്ന ഈ ബ്ലോഗ്ഗര്‍ എഴുപത്തി ഒന്‍പതു ബ്ലോഗുകള്‍ പോസ്റ്റ് ചെയ്തിട്ടുണ്ടെന്നു വായ്ച്ചു .എല്ലാം ഇത് പോലെയിരിക്കുമോ ?? ഹൂ ... വായനക്കാരുടെ വിധി ... എല്ലാം വള്ളികള്‍ .... അല്ലെതെന്തു പറയാന്‍ .
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)
പോസ്റ്റുകള്‍
