അങ്കം കഴിഞ്ഞു .. ചേകവര്‍ വിട ചൊല്ലി . ഡല്‍ഹി അതിന്റെ പതിവ് തിരക്കിലേക്ക് കടന്നു കഴിഞ്ഞു .
പ്രൗഢഗംഭീര ചടങ്ങുകളോടെ ഇന്ത്യന്‍ സംസ്കാരത്തിന്റെയും അഥിതി മര്യാദയുടെയും പ്രതീകമായി കോമണ്‍വെല്‍ത്ത് ഗെയിംസ് സമാപനം . സംഗീതവും സാംസ്കാരിക പ്രകടനവും അയോധനകലയും കൂടിച്ചേര്‍ന്ന സമാപന ചടങ്ങിനു ലേസര്‍ ഷോ ആകാശത്ത് പുതു നക്ഷത്രങ്ങളെ വിരിയിച്ചു, അമ്പതിനായിരത്തോളം വരുന്ന കാണികള്‍ക്ക് ഇത് ആകാശ പൂരമായി . പ്രശസ്ത ഗായകന്‍ ഷാനുമായി "ഷേര" സ്റ്റേഡിയം ചുറ്റി വിടപറഞ്ഞു . ഒരു വല്യ VIP നിര തന്നെയുണ്ടായിരുന്നു ഇന്നലെ ജവാഹര്‍ലാല്‍ നെഹ്രു സ്റ്റേഡിയത്തില്‍ . മന്മോഹനും, സോണിയ ഗാന്ധിയും , ഷീല ദിക്ഷിതും , ഫെന്നനും , കല്മാടിയും എല്ലാരും സാക്ഷ്യം വഹിക്കാനുണ്ടയിരുന്നു.
ഫെന്നന്റെ വാക്കുകള്‍ ഏറെ കുളിര്‍മയുളവാക്കുന്നതായി. എല്ലാതരത്തിലും ഡല്‍ഹി മികച്ചു നിന്ന് എന്നുള്ളതിന് വേറെ തെളിവൊന്നും വേണ്ടല്ലോ . ഇത് വരെ കണ്ടിട്ടുള്ളതില്‍ വെച്ചേറ്റവും മികച്ച ഗെയിംസ് എന്നാണ് എല്ലാരും ഒരേ സ്വരത്തില്‍ പറയുന്നത് .
ഡല്‍ഹി ലെഫ്. ഗവര്‍ണര്‍ തേജീന്ദര്‍ ഖന്നയില്‍നിന്ന് ഗ്ലാസ്‌ഗോയിലെ ലോര്‍ഡ് പ്രൊവോസ്റ്റ്, റോബര്‍ട്ട് വിന്റര്‍ കോമണ്‍വെല്‍ത്ത് ഗെയിംസ് പതാക ഏറ്റുവാങ്ങി. 2014-ലെ ഇരുപതാം കോമണ്‍വെല്‍ത്ത് ഗെയിംസിന്റെ ആതിഥേയര് ഗ്ലാസ്ഗോ , ഡല്‍ഹിയില്‍ താഴ്ത്തിയ പതാക ഇനി അവിടെ ആകാശത്ത് പാറികളിക്കും .
ഇന്നലത്തെ സമാപന ചടങ്ങുകള്‍ക്ക് താഴത്തെ യു ട്യൂബ് കാണുക :
Commonwealth Games 2010 Closing Ceremony New Delhi Part-1
Commonwealth Games 2010 Closing Ceremony New Delhi Part-2
Commonwealth Games 2010 Closing Ceremony New Delhi Part-3
Commonwealth Games 2010 Closing Ceremony New Delhi Part-4
Commonwealth Games 2010 Closing Ceremony New Delhi Part-5
Commonwealth Games 2010 Closing Ceremony New Delhi Part-6
Commonwealth Games 2010 Closing Ceremony New Delhi Part-7
പോസ്റ്റുകള്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ